ချစ်သောမျက်စိဖြင့် ရှုကြစေ

                                                                  

ဗုဒ္ဓအလိုအရ လူအဖြစ် လူဘ၀သည် ရနိုင်ခဲသောအဖြစ်၊ ရနိုင်ခဲသော ဘ၀ဖြစ်ရကား
ရရှိလာသော လူ့ဘ၀ကို အချည်းနှီးသော အဓိပ္ပါယ်မဲ့သော ဘ၀ဖြစ်သည်ဟု မမြင်ချေ။
ထိုသို့ရနိုင်ခဲသော လူအဖြစ် လူ့ဘ၀အဖြစ်ကို ရရှိပိုင်ဆိုင်နေသော သင်သည်
လူပီသသောလူ ဖြစ်အောင် လူနှင့်ပီသသော အလုပ်တို့ကို ဘာတွေများ လုပ်ဆောင်ခဲ့ပြီး
ပါပြီလဲဆိုတာ မိမိကိုယ်ကို ပြန်လည်ဆန်းစစ်တတ်ဖို့ လိုအပ်လှပေ၏။


လူပီသသော လူဟုဆိုရာတွင် လောက၌ ပုခုံးနှစ်ဖက်ကြားက ခေါင်းပေါက်၍ ကိုယ်လက်
အင်္ဂါ ပြည့်စုံသူ လူ ဟုသမုတ်အပ်သူမှန်သမျှကို လူပီသသောသူ ဖြစ်၏ ဟူ၍ကား

သတ်မှတ်နိုင်မည်မဟုတ်ချေ။ မြတ်ဗုဒ္ဓက လောက၌ လူလေးမျိုးရှိကြောင်းကို ၀ိမာန၀တ္ထု
အဌကထာ၌ ထုတ်ဖော်ဟောကြားထားလေ၏။

ထိုလေးမျိုးကား................

....
(၁) လူ့ငရဲသား၊

(၂) လူ့တိရိစ္ဆာန်၊

(၃) လူ့ပြိတ္တာ၊

(၄) လူ့ပရမတ္ထ တို့ဖြစ်၏။


လူငရဲသား ဆိုသည်မှာ ယခုမျက်မှောက်ဘ၀တွင် လူကားဖြစ်လာပါ၏။
သို့သော် သူသည်မကောင်းမှုဒုစရိုက်များကို ပြုလုပ်သောကြောင့်
ထောင်တန်းကျပြီး ဆင်းရဲဒုက္ခများစွာ ခံကြရ၏။
ဒါန သီလ ဘာဝနာ ကို တစ်ခုမှပြုလုပ်ခွင့်မရ၊ ထိုကဲ့သို့သော လူသားမျိုးကို မြတ်ဗုဒ္ဓက
လူအစစ် ဟု မသတ်မှတ်ချေ၊ လူ့ငရဲသား ဟု သတ်မှတ်၏။


တိရိစ္ဆာန်သည် အိပ်ခြင်း စားခြင်း ကာမဂုဏ်ခံစားခြင်း သုံးမျိုးကိုသာ ပြုလုပ်ပြီး
ဒါန သီလ ဘာဝနာကုသိုလ်တရားကို တခုမှမပြုလုပ်သကဲ့သို့ တချို့လူများသည်
စီးပွါးရှာခြင်း၊ အိပ်ခြင်း၊ စားခြင်း၊ ကာမဂုဏ်ခံစားခြင်း သုံးမျိုးကိုသာ ပြုလုပ်၏။
ဒါန သီလ ဘာဝနာ ကုသိုလ်တရားကို တခုမှပြုလုပ်ခြင်းမရှိ၊
ဤကဲ့သို့သော လူသားမျိုးကို ဗုဒ္ဓက လူအစစ် ဟု မသတ်မှတ်၊
လူ့တိရိစ္ဆာန် ဟု သတ်မှတ်တော်မူ၏။


သရဲ၊ တစ္ဆေ၊ မှင်စာ၊ ကြပ်၊ ဥစ္စာစောင့် အားလုံးကို စာပေ၌ ပေတပြိတ္တာ ဟု ခေါ်၏။
ပြိတ္တာများသည်အကုသိုလ်ကံကြောင့် အစားအစာကို ဘယ်သောအခါမှ
ဝလင်အောင် မစားရ၊ မရပ်မနား တစ်ဘ၀လုံးရှာဖွေသော်လည်း မသေရုံသာ စားရ၏။
လူအများစွန့်ပြစ်ထားသော စားကြွင်း စားကျန်များ၊ တံတွေးများ၊နှပ်များ၊
သလိပ်များ တွေ့သမျှကို ရှာဖွေစားသောက်ကြ၏။ အစာကိုသာ တစ်ဘ၀လုံး
ကုန်းရုန်းရှာဖွေပြီးသေသွားကြ၏။ ဒါန သီလ ဘာဝနာ ကုသိုလ်တရားတခုကိုမှ
မပြုလုပ်နိုင်၊ ထို့အတူ တချို့  လူသာဖြစ်လာသော်လည်း ဆင်းရဲနွမ်းပါးလွန်းသဖြင့်
တစ်ဘ၀လုံး ၀မ်းရေးတခုအတွက်သာ ရှာဖွေစားသောက်ရင်း တစ်ဘ၀ဆုံးသွား၏။
ဒါန သီလ ဘာဝနာ ကုသိုလ်တရားတခုမှ မလုပ်နိုင်၊ ထိုသို့သော
လူသားမျိုးကို လူ့ပြိတ္တာ ဟု ခေါ်သည်၊ လူအစစ်မဟုတ်ပေ။



စီးပွါးရေးကိုလည်း လူတန်းစေ့အောင် သမ္မာအာဇီဝကျကျ ရှာဖွေနိုင်ပြီး
ဒါန သီလ ဘာဝနာ တို့ကိုလည်း စွမ်းနိုင်သမျှ ပြုလုပ်နိုင်သော သူကိုသာလျှင်
လူ့ပရမတ္ထ - လူအစစ် ဟု ခေါ်ပါသည်။


ဆိုအပ်ခဲ့ပြီးသော လူလေးမျိုးတို့တွင် မိမိသည် ဘယ်လိုလူမျိုးဖြစ်သလဲဆိုတာကို
ခွဲခြားဝေဖန်တတ်ဖို့ လိုအပ်လှပေသည်။
လူအစစ်မဖြစ်သေးလျှင် ဖြစ်အောင် ကြိုးစားအားထုတ်ရပေမည်။
လူရယ်လို့ ဖြစ်လာရင် လူ့သမိုင်းမှာ မှတ်တမ်းဝင်နိုင်အောင် အဖိုးတန်
အလုပ်တခုခုကို လုပ်ရပေမည်။
ထိုသို့ မဟုတ်ဘဲ လူ့ငရဲသား၊ လူတိရိစ္ဆာန်၊ လူပြိတ္တာ တို့ကဲ့သို့သာ
ပြုမူနေထိုင်ကြမည်ဆိုလျှင်လူဖြစ်ရကျိုးနပ်မည် မဟုတ်ပေ။

ထို့အပြင် လူတွေကို လူတွေအဖြစ်နဲ့ မှန်မှန်ကန်ကန်ဖြင်တတ်ဖို့လည်း
လိုအပ်သေးပေ၏။ မှန်မှန်ကန်ကန် မြင်ကြမယ်ဆိုရင် လူမှု့ပြဿနာတွေ
တော်တော်နည်းခဲ့မှာ အမှန်ပင်၊ လူတွေဟာ လူတွေကို လူတွေအဖြစ်
မှန်မှန် မမြင်ခဲ့ကြပေ၊ လူမျိုးစွဲတွေနဲ့မြင်တယ်၊ ဘာသာစွဲတွေနဲ့မြင်တယ်၊
အသားအရောင်၊ အဆင့်အတန်း ခွဲခြားလိုမှု့တွေနဲ့ လူတွေကိုကြည့်တယ် မြင်တယ်၊
အစွဲတွေပါလာတော့ အမှန်မမြင်ကြတော့၊ အမှန်မမြင်တော့ ပြဿနာတွေဖြစ်တယ်၊
ပြဿနာတွေကနေပြီး ပဋိပက္ခတွေဖြစ်တယ်။
ပဋိပက္ခတွေ ဖြစ်ရင် ငြိမ်းချမ်းခြင်းဆိုတာ လူတွေမှာ မရနိုင်တော့ပေ၊
ဒါတွေဟာ လူတွေက လူတွေကို မှန်မှန်မမြင်နိုင်ကြလို့ ဖြစ်ကြရသည်ပင်။
ထို့ကြောင့် ငြိမ်းချမ်းခြင်း၊ ပျော်ရွှင်ခြင်းတို့ကို ရရှိဖို့ရန်အတွက် လူအချင်းချင်း
မှန်မှန်ကန်ကန် မြင်တတ်ကြဖို့ ဆိုရခြင်း ဖြစ်ပါ၏။


ဗုဒ္ဓစာပေ၌မူ လူကို ခန္ဓာငါးပါး(ရုပ်၊ ဝေဒနာ၊ သညာ၊ သင်္ခါရ၊ ၀ိညာဏ်) ရှိသူ၊
မြင်မှု့ ကြားမှု့ အစရှိတဲ့ အတွင်းအပ အာယတန(၁၂) ပါးရှိတဲ့သူ၊
ရုပ်သဘော၊ နာမ်သဘော၊ ရုပ်ဓာတ်၊ နာမ်ဓာတ်တွေ ရှိတဲ့သူ
အဖြစ်ပဲ မြင်ပြထားပါသည်။ ဘယ်လူမျိုးဖြစ်ဖြစ်၊ ဘယ်ဘာသာဝင်ဖြစ်ဖြစ်၊
ဘယ်လိုဘာသာမဲ့သူဖြစ်ဖြစ်၊ ဘယ်လိုအသားအရောင်ပဲ ရှိတဲ့ လူမျိုးပဲဖြစ်ဖြစ်
ဆိုခဲ့တဲ့ ခန္ဓာ၊ အာယတန၊ ရုပ်ဓာတ်၊ နာမ်ဓာတ်တွေ စုဝေးနေတဲ့ ခန္ဓာကိုယ်တွေ
ရှိနေတယ်လို့ မြင်တယ်။ အဲဒီလို စုဝေးဖြစ်ပေါ်နေတဲ့ လူဟာ
ကောင်းတာတွေလုပ်ရင် ကောင်းတဲ့ အကျိုးတွေ ဖြစ်ပေါ်စေမယ်။
ဆိုးတာတွေ လုပ်ရင် ဆိုးတဲ့ အကျိုးတွေ ဖြစ်ပေါ်စေမယ် လို့မြင်တယ်။
လူတိုင်း လူတိုင်းမှာ ဒီခန္ဓာတွေ၊ ဒီအာယတနတွေ၊ ဒီဓာတ်သဘောတွေ ရှိနေတဲ့အတွက်
လူတွေဟာ လူတွေအချင်းချင်း ဘာမှအထင်သေးစရာလည်း မရှိ၊
မုန်းတီးစရာလဲ မရှိ ဟု မှန်မှန်ကန်ကန် ရှူ့မြင်တတ်ဖို့ မြတ်ဗုဒ္ဓက ညွန်ပြထားပေ၏။

ထိုမြတ်ဗုဒ္ဓ ညွန်ပြထားသည့် အတိုင်း လူမျိုးစွဲ၊ ဘာသာစွဲ၊ အသားအရောင်အစွဲတွေ
ကင်းလွတ်စွာနဲ့ ချစ်သောမျက်စိဖြင့် လူတွေကို ကြည့်တတ်မြင်တတ်အောင်
ကျိုးစားအားထုတ်ရင်း လူပီသသော လူများဖြစ်ပါစေကြောင်း ဆန္ဒပြုလိုက်ရပါသည်။

အချင်းချင်း.....အမျက်.........တစေ့မရှိ
ချစ်သော.....မျက်စိဖြင့် ရှူ့ ကြစေ။


အရှင်ဝရသာမိhttp://www.sbay-student.org/

ထေရ၀ါဒ တိူ့တိုင်းပြေ မှ ။